ایران میں پاکستانی زائرین کی بس کو حادثہ، 35 افراد شہید، ہسپتالوں میں ایمرجنسی نافذ
ایران کے شہر یزد میں ایک حادثے میں پاکستانی زائرین کی بس الٹ گئی جس کے نتیجے میں 35 افراد جاں بحق ہوگئے۔
ایرانی میڈیا کے مطابق یہ حادثہ دہشیر تفتان چیک پوائنٹ کے قریب پیش آیا جہاں بس الٹنے کے بعد آگ لگ گئی۔ بس میں کل 53 زائرین سوار تھے۔ اس حادثے میں 15 افراد زخمی بھی ہوئے ہیں۔
مزید پڑھیں: اسسٹنٹ جیل سپرنٹنڈنٹ کے بیٹے کو ڈاکوؤں نے ٹانگ پر گولی مار کر ویڈیو کو وائرل کر دیا
ایرانی میڈیا کی خبروں کے مطابق امدادی ٹیمیں زخمیوں اور لاشوں کو بس سے نکالنے میں مصروف ہیں اور اسپتالوں میں ایمرجنسی نافذ کر دی گئی ہے۔
مولانا قمر عباس نقوی نے بتایا کہ تمام زخمیوں کو اسپتال منتقل کردیا گیا ہے۔ بس میں 14 خواتین سمیت 50 افراد سوار تھے، اور تمام ہلاک شدگان کا تعلق لاڑکانہ سے تھا۔
