رخ پاکستان: وزیراعظم شہباز شریف نے اپوزیشن کے ساتھ مذاکرات کے لیے ایک مذاکراتی کمیٹی قائم کر دی ہے۔ یہ کمیٹی حکومتی اتحادی اراکین پر مشتمل ہوگی۔ وزیراعظم نے کہا کہ “پاکستان ہے تو ہم سب ہیں” اور اسپیکر قومی اسمبلی کی کوششوں کو سراہا۔
کمیٹی میں نائب وزیراعظم اسحاق ڈار، رانا ثناء اللہ، اور سینیٹر عرفان صدیقی شامل ہیں۔ اتحادی جماعت پیپلز پارٹی کی طرف سے راجہ پرویز اشرف، نوید قمر، اور ڈاکٹر خالد مقبول صدیقی شامل ہوں گے، جبکہ دیگر اراکین میں عبدالعلیم خان، چوہدری سالک، اور سردار خالد مگسی بھی کمیٹی کا حصہ ہوں گے۔
یہ کمیٹی اس وقت تشکیل دی گئی جب پی ٹی آئی کے رہنما گوہر خان نے اسپیکر قومی اسمبلی سے درخواست کی تھی کہ وہ مذاکرات کے لیے اپنا کردار ادا کریں۔ اس درخواست کے بعد وزیراعظم نے مذاکراتی ٹیم کے قیام کا اعلان کیا۔
