رخ پاکستان: انسدادِ دہشتگردی کی عدالت نے چیئرمین پی ٹی آئی عمران خان کی ویڈیو لنک کے ذریعے پیشی کے حوالے سے واضح اور سخت اصول و ضوابط جاری کیے ہیں۔ یہ ہدایات ہائی کورٹ کے احکامات کے پیراگراف 11 اور 12 کی روشنی میں مرتب کی گئی ہیں، اور اب عدالت کے اندرونی و بیرونی حصوں میں نمایاں طور پر آویزاں کی جائیں گی۔
عدالت کے مطابق، ویڈیو لنک کے ذریعے ہونے والی کارروائی کو صرف عدالت خود ریکارڈ کرے گی، اور کسی دوسرے فرد یا ادارے کو اس کی اجازت نہیں دی جائے گی۔ اس کے علاوہ، کسی کو بھی موبائل فون یا کسی قسم کی ریکارڈنگ ڈیوائس عدالت کے اندر لے جانے کی اجازت نہیں ہوگی یہ مکمل طور پر ممنوع قرار دیا گیا ہے۔
یہ بھی پڑھیں: جون 2025 کے بعد ٹرمپ کا مودی سے ٹیلیفونک رابطہ، سالگرہ کی مبارکباد
ایس او پیز میں یہ بھی واضح کیا گیا ہے کہ اگر کوئی شخص عدالت کی کارروائی کو خفیہ طور پر ریکارڈ کرتا ہوا پکڑا گیا تو اس کے خلاف فوجداری مقدمہ درج کیا جائے گا، اور قانونی کارروائی عمل میں لائی جائے گی۔
اس کے ساتھ ساتھ عدالت نے یہ بھی فیصلہ کیا ہے کہ ویڈیو لنک پر ہونے والی کارروائی کا کوئی ٹرانسکرپٹ کسی کو فراہم نہیں کیا جائے گا۔ یعنی عوام یا میڈیا کو اس کی تفصیلات نہیں مل سکیں گی.
