رخ پاکستان: سینٹرل پاور پرچیزنگ ایجنسی (CPPA) نے نیشنل الیکٹرک پاور ریگولیٹری اتھارٹی (NEPRA) کو ایک درخواست دی ہے، جس میں فی یونٹ بجلی کی قیمت میں 19 پیسے اضافے کی سفارش کی گئی ہے۔ یہ اضافہ اگست کی فیول پرائس ایڈجسٹمنٹ (FPA) کی مد میں مانگا گیا ہے۔
نیپرا کے مطابق، اس درخواست پر باقاعدہ سماعت 29 ستمبر کو کی جائے گی، جس کے بعد فیصلہ سنایا جائے گا کہ آیا صارفین پر یہ اضافی بوجھ ڈالا جائے یا نہیں۔
دستاویزات کے مطابق، اگست کے مہینے میں بجلی پیدا کرنے کی فی یونٹ اوسط لاگت 7 روپے 31 پیسے رہی، جو کہ فیول قیمتوں میں اتار چڑھاؤ کے باعث ہے۔
دوسری جانب، اگر نیپرا نے یہ اضافہ منظور کر لیا تو اندازہ ہے کہ اس فیصلے کے نتیجے میں صارفین پر مجموعی طور پر 3 ارب روپے کا اضافی مالی بوجھ پڑے گا۔
