پاکستانیوں کے لیے خوشخبری! برطانیہ نے ای ویزا سسٹم متعارف کروانے کا اعلان کردیا
رُخِ پاکستان کے مطابق برطانیہ نے نئے بائیو میٹرک ویزا سسٹم کا اعلان کیا ہے جس سے ویزا حاصل کرنا مزید آسان ہو جائے گا۔ برطانوی ہائی کمیشن کے مطابق اب پاسپورٹ میں اسٹیکرز کی ضرورت نہیں ہوگی بلکہ سب کچھ آن لائن ہوگا۔
اگر آپ برطانیہ میں 6 ماہ یا اس سے زیادہ قیام کرنے کا ویزا حاصل کرنا چاہتے ہیں تو آپ کو ایک آن لائن اکاؤنٹ بنانا ہوگا۔ لیکن اگر آپ صرف 6 ماہ سے کم عرصے کے لیے سیاحت کر رہے ہیں تو آن لائن اکاؤنٹ بنانا ضروری نہیں۔
مزید پڑھیں: گاڑی اور موٹرسائیکل مالکان کیلئے بری خبر
برطانوی ہائی کمشنر جین میرٹ نے کہا ہے کہ یہ نیا نظام پاکستانیوں کے لیے برطانیہ کا سفر آسان اور محفوظ بنائے گا۔ اس نئے سسٹم کے تحت پاسپورٹ میں کوئی اسٹیکر یا گیلی سیاہی کا ڈاک ٹکٹ لگوانے کی ضرورت نہیں رہے گی۔
یہ عمل مفت اور محفوظ ہے اور اس کے بارے میں مزید معلومات برطانوی ہائی کمیشن کی ویب سائٹ پر مل سکتی ہیں ۔
یاد رہے کہ برطانیہ پہنچنے کے بعد آپ کو بایومیٹرک ریزیڈنسی پرمٹ جمع کروانا ہوگا۔ اگرچہ آپ کا بی آر پی کارڈ 31 دسمبر 2024 تک کارآمد رہے گا۔ لیکن اس کی میعاد ختم ہونے سے آپ کی امیگریشن کی حیثیت پر کوئی اثر نہیں پڑے گا۔
