رخ پاکستان: پاکستان میں گزشتہ ہفتے سے جاری مون سون بارشوں اور سیلاب کے باعث تقریبا 46 افراد جاں بحق جبکہ درجنوں افراد زخمی ہوئے ہیں. حکام کے مطابق یہ ہلاکتیں بارشوں کے باعث ہوئیں اور بارشوں نے پاکستان کے مختلف حصوں کو بھی کافی متاثر کیا ہے.
نیشنل ڈیزاسٹر مینجمنٹ اتھارٹی اور صوبائی ایمرجنسی اداروں کے مطابق خیبرپختونخوا میں 22، پنجاب میں 13، سندھ میں 7 اور بلوچستان میں 4 افراد جاں بحق ہوئے ہیں.محکمہ موسمیات کے ڈپٹی ڈائریکٹر عرفان ورک نے خبر رساں ادارہ ایسوسی ایٹڈ پریس کو بتاتے ہوئے کہا کہ اس سال مون سون کی بارشیں گزشتہ سال کی نسبت زیادہ ہونگی. اور متعلقہ اداروں کو ہنگامی صورتحال سے نمٹنے کیلئے ہدایات جاری کردی گئی ہیں.
ٰیہ بھی پڑھیں: شامی ریڈمی کے 2025 کے بہترین فیچرز اور کم قیمت والے اسمارٹ فون نے صارفین کا دل جیت لیا
ڈپٹی ڈائریکٹر نے کہا کہ 2022 کے تباہی مچانے والے سیلاب کی طرح موجودہ موسم کی صورتحال کے پیش آنے کے امکانات ظاہر کیئے جار ہے ہیں. واضح رہے کہ تب بارشوں نے ملک کے ایک تھائی حصے کو ڈبو دیا تھا 1737 افراد جاں بحق ہوئے تھے اور بڑے پیمانے پر تباہی ہوئی تھی.
یاد رہے کہ گزشتہ ہفتے سوات میں ایک ہی خاندان کے 13 سیاح جاں بحق ہوئے تھے. جوکہ جمعہ کے روز دریائے سوات میں طغیانی کے باعث بہہ جانے کی وجہ سے جاں بحق ہوئے. اور خاندان کے 4 افراد کو زندہ بچا لیا گیا تھا.
ترجمان ریسکیو 1122 کے مطابق ابھی تک 12 لاشوں کو نکالا جا سکا ہے. جبکہ ایک لاش کی تلاش تاحال جاری ہے.
یاد رہے کہ سوشل میڈیا صارفین نے ریسکیو اداروں کے سست ردعمل پر شدید تنقید کی ہے.
