ویڈیو بنوانے کے شوق میں خاتون نے بچے کی زندگی خطرے میں ڈال دی،ویڈیو وائرل
حال ہی میں ایک ویڈیو سوشل میڈیا پر منظر عام پر آئی ہے جس میں ایک خاتون کنویں کے اوپر بچے کو ایک ہاتھ سے پکڑکر گانے کی ویڈیو بنوا رہی تھی۔ ویڈیو کے سوشل میڈیا پر وائرل ہوتے ہی سوشل میڈیا صارفین میں کافی غصہ پایا جا رہا ہے ۔
مزید پڑھیں: باپ نے بیٹی کی نگرانی کیلئے سر پر کیمرہ نصب کردیا،ویڈیو سوشل میڈیا پر وائرل ہوگئی
ویڈیو میں ایک خاتون کنویں کے کنارے پر بیٹھ کر ایک گانے کی نقل کر رہی ہیں۔ جبکہ چھوٹا سا بچہ ایک ٹانگ سے چمٹا ہوا نظر آرہا ہے جبکہ اس کا جسم کنویں کے اوپر ہوا میں لٹک رہا ہے۔
سوشل میڈیا پلیٹ فارم ایکس پر ویڈیو پوسٹ کی گئی تو لوگوں کی طرف سے بہت زیادہ تنقید کا نشانہ بنایا گیا۔ اور بہت سے لوگوں نے خاتون کے اس فعل کو لاپرواہ اور غیر ذمہ دارانہ قرار دیا ہے۔
مزید پڑھیں: زمبابوے حکومت کا 200 ہاتھیوں کو ذبح کرنے کا فیصلہ
سوشل میڈیا صارفین نے یہ بھی کہا کہ بچوں کی حوالگی کے معاملے میں فیملی کورٹ کہتی ہے کہ باپ سے بھی زیادہ صرف ماں ہی اپنے بچے سے پیار کر سکتی ہے۔
ویڈیو کلپ میں خاتون اور دیگر افراد کی جگہ اور شناخت معلوم نہیں ہوسکی جبکہ عورت اور لڑکے کا رشتہ بھی معلوم نہیں ہے۔
