چینی اسمارٹ فون کمپنی آنر نے اپنی ایکس سیریز کا نیا اور خوبصورت اسمارٹ فون ’ایکس 7 سی‘ متعارف کروا دیا ہے۔ اس فون کو اس کے فیچرز اور قیمت کی وجہ سے مناسب قرار دیا جا رہا ہے۔
آنر کا ’ایکس 7 سی‘ واٹر پروف اور ڈسٹ پروف ہے جس کی اسکرین 6.7 انچ ہے اور اس میں اینڈرائیڈ 14 کے ساتھ میجک او ایس آپریٹنگ سسٹم شامل ہے۔
اس فون کو 6 اور 8 جی بی ریم کے ساتھ جبکہ 128 جی بی اور 256 جی بی میموری کے ساتھ پیش کیا گیا ہے۔ اس کا فرنٹ کیمرا 8 میگا پکسل ہے جبکہ بیک پر دو کیمرے ہیں جن میں سے ایک 108 میگا پکسل اور دوسرا 2 میگا پکسل کا ہے۔ کمپنی کا دعویٰ ہے کہ کیمرا ٹیکنالوجی کو جدید اور بہترین فیچرز کے ساتھ اپ ڈیٹ کیا گیا ہے۔
مزید پڑھیں: پی ٹی اے نے نیا موبائل فون خریدنے والے شہریوں کو خبردار کردیا
اس فون میں ایک منفرد فیچر بھی دیا گیا ہے کہ سیلفی کیمرا استعمال کرتے وقت اگر کوئی کال، میسج یا نوٹیفکیشن آئے تو وہ پاپ اپ کی شکل میں دکھائی دے گا اور سیلفی کیمرا پھر بھی کام کرتا رہے گا۔
آنر ایکس 7 سی میں 6000 ایم اے ایچ کی بیٹری اور 35 واٹ کا فاسٹ چارجر دیا گیا ہے جبکہ بعض ممالک میں 5200 ایم اے ایچ بیٹری کے ساتھ کم قیمت ویرینٹ بھی پیش کیا جا سکتا ہے۔
اس فون کے 8 جی بی ریم اور 256 جی بی میموری والے ویرینٹ کی پاکستانی قیمت 67 ہزار روپے رکھی گئی ہے جبکہ 6 جی بی والے ویرینٹ کی قیمت 60 ہزار روپے ہے۔
