رخ پاکستان: بالی ووڈ اداکارہ حنا خان نے حال ہی میں بتایا کہ وہ اسٹیج تھری بریسٹ کینسر سے لڑ رہی ہیں۔ مداحوں نے انہیں سوشل میڈیا پر بھرپور حمایت دی اور بگ باس 18 کے میزبان سلمان خان نے بھی ان کی ہمت بڑھانے کے لیے ایک خاص قدم اٹھایا جس نے حنا کو جذباتی کر دیا۔
حنا خان بگ باس کے “ویک اینڈ کا وار” ایپیسوڈ میں مہمان کے طور پر آئیں جہاں سلمان خان نے شوٹنگ کے مصروف دن کے بعد ان سے علیحدہ ملاقات کی۔ انہوں نے تقریباً ایک گھنٹہ حنا سے ان کی صحت اور علاج کے بارے میں بات کی۔ یہ لمحہ حنا کے لیے بہت خاص تھا، اور انہوں نے اس کے بارے میں سوشل میڈیا پر سلمان خان کے لیے ایک پیغام شیئر کیا۔
حنا نے لکھا، “میں ہر ملاقات میں سلمان خان سے کچھ سیکھتی ہوں، لیکن اس بار یہ بہت الگ تھا۔ شوٹنگ کے بعد بھی وہ تھکے ہوئے تھے لیکن انہوں نے میرے لیے وقت نکالا۔ انہوں نے میری کہانی سنی، اپنے ذاتی تجربات بتائے، اور مجھے یقین دلایا کہ میں ٹھیک ہو جاؤں گی۔”
مزید پڑھیں: کینیڈا بادشاہ کے کنسرٹ میں ہانیہ عامر کی موجودگی نے دھوم مچا دی
انہوں نے سلمان خان کے جذبے کو سراہتے ہوئے کہا، “انہیں یہ سب کچھ کرنے کی ضرورت نہیں تھی لیکن پھر بھی انہوں نے کیا۔ وہ جتنے مصروف ہیں اس کے باوجود انہوں نے میرے لیے وقت نکالا۔ یہ صرف حمایت نہیں بلکہ ایک سبق بھی تھا۔”
یاد رہے کہ حنا خان بگ باس کی مشہور ترین کنٹسٹنٹس میں سے ایک ہیں اور اپنی مضبوط شخصیت کی وجہ سے انہیں “شیر خان” اور “شیرنی” کے القاب بھی ملے ہیں۔
