رخ پاکستان: بالی وڈ کے معروف اداکار چنکی پانڈے نے اپنے کیریئر کے ابتدائی دنوں کا ایک دلچسپ واقعہ شیئر کیا۔ انہوں نے بتایا کہ ایک بار وہ پیسوں کے بدلے جنازے میں شرکت کر چکے ہیں۔
چنکی پانڈے نے ایک انٹرویو میں کہا کہ اپنے کیریئر کے آغاز میں ان کی کمائی کا ذریعہ مختلف تقریبات میں شرکت کرنا تھا۔ ایک دن ایک آرگنائزر نے انہیں سفید کپڑے پہن کر ایک تقریب میں آنے کے لیے کہا اور بتایا کہ اس کے بدلے انہیں پیسے ملیں گے۔
مزید پڑھیں: نازیبا ویڈیوز لیک ہونے کا سلسلہ جاری، ٹک ٹاکر مریم فیصل کی ویڈیوز لیک
چنکی پانڈے نے کہا کہ جب وہ تقریب کی جگہ پر پہنچے تو دیکھا کہ وہاں سفید کپڑے پہنے لوگ موجود ہیں۔ جب وہ اندر گئے تو انہیں پتہ چلا کہ یہ جنازہ ہے۔ وہ یہ سوچ کر حیران رہ گئے کہ شاید آرگنائزر کا انتقال ہو گیا ہے، لیکن پھر آرگنائزر نے بتایا کہ مرحوم کے خاندان والے چاہتے ہیں کہ اگر وہ روئیں تو انہیں اضافی پیسے ملیں گے۔
چنکی پانڈے نے کہا کہ یہ واقعہ ان کی زندگی کا ایک عجیب تجربہ تھا، اور ان کے لیے اس وقت کسی بھی تقریب میں شرکت کا مقصد صرف پیسے کمانا تھا۔
