رخ پاکستان: ہونڈا اٹلس کارز نے اپنی مشہور گاڑی Honda City Aspire کا نیا ورژن Aspire S کے نام سے پاکستانی مارکیٹ میں پیش کر دیا ہے۔ اس نئے ماڈل میں کئی نمایاں تبدیلیاں اور اپڈیٹس کی گئی ہیں، جو اسے مزید اسٹائلش اور جدید بناتی ہیں۔
نئے Aspire S کے ایکسٹیریئر (باہر کی بناوٹ) میں کئی اہم تبدیلیاں کی گئی ہیں۔ سب سے پہلے تو گاڑی پر نیا ہونڈا اٹلس کا لوگو لگایا گیا ہے ساتھ ہی پیچھے ایک خوبصورت بلیک اسپوائلر دیا گیا ہے جس میں LED ہائی ماؤنٹ اسٹاپ لائٹ شامل ہے۔ گاڑی کی چھت پر نیا شارک فن اینٹینا بھی بلیک کلر میں دیا گیا ہے جو اس کے اسپورٹی انداز کو مزید اجاگر کرتا ہے۔
یہ بھی پڑھیں: آئی فون 17 پرومیکس کے ایڈیشن کے متعلق بڑی خبر سامنے آگئی
اس بار ہونڈا نے Aspire S کے لیے دو نئے رنگ بھی متعارف کروائے ہیں Canyon River Blue اور Ignite Red۔ ان رنگوں کی موجودگی سے صارفین کو اپنی گاڑی اپنی پسند کے مطابق پرسنلائز کرنے کا زیادہ موقع ملے گا۔
اب بات کریں روشنیوں کی تو، گاڑی کی ہیڈلائٹس، فوگ لائٹس اور پچھلی لائٹس میں مکمل LED لائٹنگ شامل کر دی گئی ہے جو اب ہر ماڈل میں اسٹینڈرڈ ہوگی۔
دیگر نمایاں تبدیلیوں میں شامل ہیں
بلیک رنگ کے سائیڈ مررز
نئے انداز کے ڈور ہینڈلز
کروم فرنٹ گارنش اور نیا ریئر لائسنس گارنش
الائے ویلز پر نئی پلیٹ فنشنگ، جو گاڑی کو ایک اسپورٹی لک دیتی ہے
اندرونی حصے (انٹیریئر) میں بھی خاصی بہتری کی گئی ہے۔ گاڑی میں نئی اور بہتر فیبرک سیٹیں لگائی گئی ہیں جو نہ صرف آرام دہ ہیں بلکہ دیدہ زیب بھی ہیں۔ اسٹیئرنگ وہیل اور گیئر نوب کو لیدر ریپ کیا گیا ہے جس پر بیس بال اسٹائل کی سلائی (stitching) دی گئی ہے، جو ایک پرمیئم احساس دلاتی ہے۔
اس کے علاوہ گاڑی میں بہتر آڈیو تجربے کے لیے ٹوئیٹر اسپیکرز بھی شامل کیے گئے ہیں۔
مجموعی طور پر Honda City Aspire S کو اب ایک زیادہ جدید، اسپورٹی اور صارف دوست گاڑی کے طور پر پیش کیا گیا ہے، جو پاکستانی خریداروں کی ضروریات اور اسٹائل دونوں کو مدنظر رکھ کر تیار کی گئی ہے۔
