رخ پاکستان: ایشیا کپ کے سپر فور مرحلے کا اہم مقابلہ آج شام پاکستان اور بھارت کے درمیان دبئی میں کھیلا جائے گا جس کا آغاز شام 7 بج کر 30 منٹ پر ہوگا۔ اس میچ کے لیے اینڈی پائی کرافٹ کو میچ ریفری مقرر کیا گیا ہے۔
پاکستانی ٹیم نے ہفتے کے روز آئی سی سی کرکٹ اکیڈمی میں تین گھنٹے طویل بھرپور ٹریننگ سیشن میں حصہ لیا۔ اس دوران چیئرمین پاکستان کرکٹ بورڈ، محسن نقوی نے کھلاڑیوں سے ملاقات کی ان کا حوصلہ بڑھایا اور امید ظاہر کی کہ ٹیم میدان میں اچھا پرفارم کرے گی۔
یہ بھی پڑھیں: بجلی صارفین کیلئے بری خبر،بجلی کی قیمتوں میں اضافہ کی تجویز
یاد رہے کہ گروپ اسٹیج میں بھارت نے پاکستان کو سات وکٹوں سے شکست دی تھی جس کے بعد ٹیم پر دباؤ بھی بڑھ گیا ہے۔
دونوں ٹیموں کے درمیان جاری کشیدگی اس وقت مزید بڑھ گئی جب پچھلے میچ کے بعد بھارتی کپتان سوریا کمار یادیو نے ایک متنازع سیاسی بیان دیا اور میچ کے بعد روایتی ہینڈ شیک کا بھی تنازع کھڑا ہو گیا، جس سے ماحول مزید تلخ ہو گیا ہے۔
تمام نظریں اب آج کے اس سنسنی خیز مقابلے پر جمی ہیں، جہاں شائقین ایک یادگار میچ کی توقع کر رہے ہیں۔
