عرفی جاوید کی نازیبا تصاویر کیسے لیک ہوئیں؟ اہم وجوہات سامنے آگئیں
بالی ووڈ کی مشہور اور متنازع شخصیت عرفی جاوید نے اپنی نازیبا تصاویر لیک ہونے پر اپنی غلطی تسلیم کر لی ہے۔ عرفی جاوید اکثر اپنے خاص فیشن اور بے باک انداز کی وجہ سے میڈیا کی خبروں کی زینت بنی رہتی ہیں۔ حال ہی میں ان کی نازیبا تصاویر انسٹاگرام پر لیک ہونے کی خبریں آئیں۔
حال ہی میں ایک پوڈکاسٹ میں عرفی جاوید نے بتایا کہ ان کی ذاتی اور نازیبا تصاویر کووڈ وبا کے بعد لیک ہوئیں کیونکہ کسی نے ان کا اسنیپ چیٹ اکاؤنٹ ہیک کر لیا تھا۔ انہوں نے کہا کہ ان کی تمام تصاویر اس وقت میموریز میں محفوظ تھیں، جو کہ ان کی اپنی غلطی تھی۔ اسی وجہ سے ان کی تمام پرائیویٹ تصاویر لیک ہو گئیں۔
اداکارہ نے مزید بتایا کہ اس کے بعد کسی نے ان کی پرائیویٹ تصاویر انسٹاگرام اسٹوری پر پوسٹ کر دیں۔ جب انہیں اس بات کا پتہ چلا تو انہوں نے فوراً تصاویر ڈیلیٹ کر دیں لیکن تب تک بہت سے لوگوں نے ان اسٹوری کے اسکرین شاٹس لے لیے تھے۔ یہی وجہ ہے کہ ان کی پرائیویٹ تصاویر وائرل ہو گئیں۔
