ویڈیو گیمز کھیلنے والے 3 کروڑ پاکستانی ماہانہ کتنے ڈالرز کما رہے ہیں؟رپورٹ جاری
دنیا بھر میں ویڈیو گیمز کھیلنے والوں کی تعداد 3.32 ارب سے زیادہ ہے، اور پاکستان میں یہ تعداد 3.5 کروڑ ہے۔ پاکستان کے دو کھلاڑی ویڈیو گیمز کے عالمی چیمپیئن ہیں، اور اوسطاً ہر پاکستانی 6 گھنٹے ویڈیو گیمز کھیلتا ہے۔ دلچسپ بات یہ ہے کہ 48 فیصد خواتین بھی ویڈیو گیمز کھیلتی ہیں۔
ایک رپورٹ کے مطابق، آن لائن ویڈیو گیمز کے مقابلے دیکھنے والوں کی تعداد بھی ایک ارب سے زیادہ ہے۔ دنیا کے 45 فیصد ویڈیو گیمرز ایشیا سے ہیں، اور پاکستان ایشیا کا سب سے بڑا ویڈیو گیمز کھیلنے والا ملک ہے۔ 90 فیصد لوگ ویڈیو گیمز اسمارٹ فون پر کھیلتے ہیں۔
مزید پڑھیں: نئی ٹیسٹ رینکنگ جاری،بابر اعظم 9نویں نمبر سے 12ویں نمبر پر پہنچ گئے
رپورٹ میں بتایا گیا ہے کہ پاکستان میں ویڈیو گیمز کی صنعت کا حجم 20 کروڑ ڈالر سے زیادہ ہے، اور ویڈیو گیمز تیار کرنے والا پاکستان ایک بڑا ملک ہے۔ پاکستان کے پروفیشنل گیمرز عالمی سطح پر مشہور ہیں، جیسے سید سومیل حسن اور ارسلان عیش صدیق، جو عالمی چیمپیئن بن چکے ہیں۔
ویڈیو گیمز کی صنعت تیزی سے بڑھ رہی ہے، اور 2022 میں اس کی مالیت 365 ارب ڈالر تھی، جو 2030 تک 665 ارب ڈالر تک پہنچ سکتی ہے۔ ویڈیو گیمز ہر عمر کے لوگوں میں مقبول ہیں، اور کھیلنے والوں میں 48 فیصد خواتین اور 52 فیصد مرد شامل ہیں۔ مرد زیادہ تر لڑائی والے گیمز کھیلتے ہیں جبکہ خواتین تفریحی گیمز پسند کرتی ہیں۔
امریکا ویڈیو گیمز کی سب سے بڑی مارکیٹ ہے، جہاں 65 فیصد لوگ ویڈیو گیمز کھیلتے ہیں۔ ویڈیو گیمز کے ٹورنامنٹس کے سب سے بڑے اسٹیڈیم بھی امریکہ میں ہیں۔ ویڈیو گیمز اشتہاری کمپنیوں کے لیے بھی ایک بڑا ذریعہ بن چکی ہیں، اور موبائل گیمز میں اشتہارات کی آمدنی 7.77 ارب ڈالر تک پہنچنے کی توقع ہے۔
ویڈیو گیمز تیار کرنے والی سب سے بڑی کمپنی سونی ہے، اور دنیا کی 50 بڑی ویڈیو گیمز کمپنیوں میں سے 13 امریکہ، 10 جاپان، 6،6 جنوبی کوریا اور چین میں ہیں۔ ویڈیو گیمز کھیل کر پیسہ کمانے والے دنیا کے سب سے دولت مند گیمرز میں شامل ہیں، جیسے ٹیلر بلوائنز اور جان سنڈسٹین، جو ویڈیو گیمز کھیل کر لاکھوں ڈالر کماتے ہیں۔
